
Perla milli hrauns og jökla
Við kynnum nýtt hverfi í Húsafellsskógi
Hafðu samband


Perla milli hrauns og jökla
Við kynnum nýtt hverfi í Húsafellsskógi
Hafðu samband

Húsafell
Á Húsafelli er hægt að gera sér margt til gamans, staðurinn á sér langa sögu og í áranna rás hefur verið byggð upp orlofsparadís fyrir fjölskylduna.
Ferðaþjónustu á Húsafelli má rekja aftur um aldir, vegferð manna lá milli suður- og norðurlands um Arnarvatnsheiði og var Húsafell sjálfkjörinn áningarstaður.Árið 1930 þegar Kaldidalur varð akfær var settur upp bensíntankur á Húsafelli og var það ár mikið um gesti vegna Alþingishátíðar á Þingvöllum, þá var bóndi á Húsafelli Þorsteinn Þorsteinsson. Uppúr 1960 fóru hjónin Kristleifur Þorsteinsson og Sigrún Berþórsdóttir að gera tilraunir með sölu á þjónustu við ferðamenn, ráku þau fyrirtæki í eigin nafni í mörg ár. Árið 1990 var Ferðaþjónustan á Húsafelli stofnuð sem nú er rekin af hjónunum Bergþóri Kristleifssyni og Hrefnu G. Sigmarsdóttur.
Afþreying
Á Húsafelli er ný Afþreyingarmiðstöð þar sem gestir geta fengið upplýsingar um þá fjölbreyttu afþreyingu sem er í boði á Húsafelli og nágrenni. Þar geta gestir bókað í ferðir og fengið upplýsingar um göngu-, hlaupa- og hjólaleiðir sem henta öllum hópum. Það er vandfundið það svæði sem býður upp á aðra eins fjölbreytni í afþreyingu. Hvort sem það eru fjalla-, jökla-, eða veiðiferðir þá er hálendið í kringum Húsafell paradís allan ársins hring fyrir útivistar- og náttúruunnendur.


HúsafellsSKÓGUR
Við kynnum nýtt og spennandi hverfi við Húsafell
Nýja hverfið í Húsafellsskógi hefur verið í þróun í 15 ár. Eigendur vildu leggja allt kapp á að skapa heildrænt útlit og hönnun fyrir svæðið í heild sinni. Með því markmiði að húsin falli sem best inn í landslagið og hvert hús fái að njóta besta mögulega útsýnis.
Við hönnun húsa var lögð áhersla á útsýni og þægindi fyrir alla fjölskylduna. Rúmgóð hús með glæsilegri stofu og eldhúsi, aðskildum svefnherbergjum og salerni með gufu og aðgengi í heitan pott.
Hverfið er í Húsafellsskógi og er tengt við núverandi Húsafellsbygð með stígum þar sem sækja má tilheyrandi þjónustu og afþreyingu.
Fyrstu kaupendum gefst tækifæri á að fá hlut í afþreyingarskýli fyrir leiktæki s.s. fjórhjól, snjólsleða, buggy eða önnur farartæki.
Framkvæmdir eru nú þegar hafnar og gert er ráð fyrir afhendingu fyrstu húsa á haustmánuðum 2021.

Húsgerð 1
Komið er inn í opið anddyri þar sem fjallahringurinn blasir við í fallegum glugga, gengið er inn til hægri í opið eldhús og stofu. Gólfsíðir gluggar með stórbrotnu útsýni og huggulegur arinn. Svefnálma er til vinstri þar sem herbergi eru aðskilin sem skapar góða hljóðvist. Salernið er glæsilegt með gufubaði og er gengið þaðan út í heitan pott. Hjónasvíta er með sér salerni. Umhverfis húsið að sunnanverðu er stór verönd með potti og grillaðstöðu.
• Vistvæn hús
• 139 fm
• 2 svefnherbergi
• 1 baðherbergi með gufubaði og útgengi í pott
• 1 hjónasvíta með baðherbergi
• Opið eldhús og stofa
• Gólfsíðir gluggar og góð lofthæð
• Möguleiki á gestahúsi
• Afhending 1. sept 2021

Húsgerð 2
Komið er inn í anddyri undir skyggni, þaðan er gengið inn til hægri í opið eldhús og stofu með mikilli lofthæð og stórum björtum gluggum með stórbrotnu útsýni. Svefnálma er til vinstri með þremur svefnherbergjum og glæsilegu baðherbergi með útgengi á stóra verönd með heitum potti. Möguleiki er á að hafa gestahús með svefnherbergi og salerni.
• Vistvænt hús
• 88.2 fm
• 3 svefnherbergi
• 1 baðherbergi með útgengi í pott
• Opið eldhús og stofa
• Gólfsíðir gluggar og góð lofthæð
• Möguleiki á gestahúsi

Húsgerð 3
Komið er inn í anddyri þar sem stigi leiðir beint upp á aðra hæð þar sem er glæsilegt opið rými með 360 gráðu útsýni til allra átta. Í rýminu er opið eldhús og stofa ásamt baðherbergi með gufubaði og útgengi á svalir með stórbrotnu útsýni og heitum potti. Á neðri hæð hússins eru 3 svefnherbergi og 1 baðherbergi.
• Vistvænt hús
• 65.1 fm efri hæð
• 74.4 fm neðri hæð
• 139.5 fm samtals
• 3 svefnherbergi
• 1 baðherbergi með gufubaði og útgengi í pott
• 1 baðherbergi
• Opið eldhús og stofa með 360 gráðu útsýni
• Gólfsíðir gluggar og góð lofthæð

Skoða bækling
Hafðu samband
Nánari upplýsingar gefa:
Bergþór Kristleifsson Sími: 892-1550
Tölvupóstur: husafell@husafell.is
Unnar Bergþórsson
Sími: 866-5414
Tölvupóstur: unnar@husafell.is
Vefvinnsla og hönnun: ONNO ehf.